img5.jpg

سوف ؤژطي (1)

سوف ؤوژطي

سوف ؤژطي ماني ئتاسد ، دماتا ئيديس نس؟ دماتا يلا ديس ؟

سوف ؤژطي : ئتاسد گ تلاتن گ القلعت ژدفر تقسبت ن صفيط تاگورا ف طار سگ صفيط ئل سوف ؤژطي امل عودي ازگن ن ساعت غن 2 كم د تشك تقورد امتالي تيمورا ئل قلعت سگ ابريد ن تالا ن ئلغمان .

ماك اتبدد گ سوف ؤژطي دتشك تهوگيد ئلاداى تاسد ف ؤفوس ن نك اژلماط تلات ن كوهين د ف فوس ن نك انفيس تاسد تلات ؤساعد دز دنگس تلا تقسبت نئحمد دماك اتهويد اماطوا تافد سوف ن بوصارم دسگ سوف ن بوصارم ف ؤ ژلماط تالي ئلنّج تلات نئگلمامن د سات سوف ن بوصارم ديس اگرّيم د ماك اترنيد اماطوا ئل زات ئتفغ سوف ن بودراعو ف ؤ ژلماط دبعدس ئطنط سوف ف ؤنفيس دتشك تقورد ئل زات تدجيد تلات ن ئديس اقديم ف ؤ ژلماط وتاتفد بعدس گ سوف ن نگمار دسيس إل زات تگورد ف ؤ نفّيس ئل سوف ن امي سالم دف ؤژلماط تهوگيد ئل تالا ن ئلغمان . ايد د تشك تهوگيد سگ سوف ؤژطي.

د ماك اتاليد سگ سوف ؤژطي تدجيد تلات ن كوهين ف ؤنفيس وتگورد اماطوا تافد سوف ن خنقت د سيين تالى تلات ن ؤعابا ف ؤنفيس لن اطاوطد طهرط ن نّگرئلنّج د سگ اماص ن ؤعابا تفغ تلات ن ؤيوسف .ؤماك اتاليد سگ سوف ن خنقت تاساكد ف ؤژلماط نك تلات ن ئغيل ن ئيجغ دساتك تاتفد دتشك تاليد گ سوف ن ئري ؤلّغم لن اطاوطد ئجيمان ؤفقوس .

ديس تانوت تلا گ سوف ؤژطي امالناس تانوت ن سوف ؤژطي .ؤديس ازمور داصبيح گودا ؤديس ازمور الغياني ؤديس تيزداي د اللوز دارمونن ؤديس تيجغين تشورنط س ؤاجن گودا سيسنت تيجغين ن ميزت ؤديس تيلولت گودا سين تؤرغ.

د اللي يلا گ سوف ؤزطي يلا گ ئسافن اللي ئديس ن نس، ديس سنت ن تينا گ سوف ن خنقت تيزگرارين ؤديس ئرجانن مسطشن س ؤطغاغ امالاناسن ئرجانن ؤتومي .

ؤتدرن دين گودا ن ئمودرن اماك ؤشن د ئرغ د ارو دتيؤرژاژ ؤتقيمان دين ئبرنيين د ئجارفيون د گودا ن ئجطاط دلهوش ايد ماني يخس ايدر كان دين د لخربش غرس ارزگ ن نس ق ئسافن ئد

وليوش ديس اوال ئطن

محمود ابكوش القلعت (اغرم) ات ملديان ات يفرن (ليبيا )

هذه المقالة تحتوي على تعليقات (8)

8 تعليقات ل “سوف ؤژطي (1)”

  1. Mazigh Buzakhar says:

    Azul xali Mahmud
    Tanemmirt af amegrad nnek af
    suf uzvtvi di tamnadvt n qeloat

    ar tufat

  2. سعيد نـ يونس says:

    أزول خالي محمود يزعم گودا لي توريت دشرا داترار ؤ داصبيح وتشك دارگاز دروس أم تشك وأيد موش داوال نـ ئمي نتشين نزرا ؤنسن ماتا تيگيد ؤتوشيد ئل تمازيغت گ يسوگاسن گودا ؤگورن ؤياكوش ئدنغ تانميرت

    فكرة رائعة لوصف الكثير من المواقع الجغرافية وتوتيقها للمحافظة عليها من الضياع لإنه بالفعل أصبح الكثير من أسماء هذه المواقع لا تستعمل في الحياة اليومية وبالتالي ضياعها من الداكرة الشعبية وأنا أرى أنها فكرة جيدة للإستفادة منها في وصف طبيعة الأرض ونوع التربة ووصف الحقول الزراعية وفي سردأسماء بعض الحيوانات البرية والنباتات والحشرات باللغة الأمازيغية فشكرا جزيلا ومزيدا من العطاء وأنت خالي محمود ليس جديدا عليك العطاء والتضخية بالوقت والجهد والمال من أجل تطوير والرقي بتقافتنا ولغتنا الأمازيغية والمحافظة عليها وأنا أعرفك من سنة 1992 في مهرجانات نادي يفرن التقافي الأجتماعي الرياضي وحتى اليوم ولم تتوقف عن العطاء وأنا شخصيا لك فضل كبير فأنت أول من شجعني على الكتابة وأول من علمني تشغيل الحاسوب فشكرا مرة أخرى ومزيدا من العطاء تانميرت تامقرارت

  3. Madghis n Buzaxxar says:

    Azul Meqqer Fellak

    Tanemmirt guda a xali Mahmud f umegrad ayed cra yez3am d yelha sis anakez ismawen n imukan d idag elli ellan g tmurt nnegh d mani sis anakez ula amezruy d idles d anasay nnegh aqbur.
    ar zzdat

    Tudert i Tmazight

  4. تنميرت ن نون ا مازيغ د مادغيش د خالى سعيدوالله اوال ن نون يدجيد مي قودغ ادرغ فلاس سگ لقيمت ننس تمقرارت دتنميرت تمقرارت ئل طاهر ن بوگصيعة لى نتا يسكنانغ ؤيويانغ ئل سوف uzetvtv د يوز امقرار ئل تاوالت

  5. تصحيح سوف uzetvtvi
    موش سوف uzetvtva

  6. محمود انت خير من كتب عن هدا الموضوع الدى لفت انتباهى من خلال المواقع التى دكرتها انا فى امس الحاجة لمثل هده الاسماء فى الكتابات التى استعد لها الان على منطقة القلعة من الناحية الجغرافية وتسمية الاماكن الدمغرافية على هية قصص ولكن هده المرة ليسة ككل مرة ستكون بالترجمة وباللغتين العربية والامازغية غير ان ستكون هناك كلمات دخيلة بالعربية فى الترجمة الامازغية لقد ابدعت وساطصل بك عند الحاجة الى معانى بعض الكلمات مشكور على الموضوع الرائع

  7. ifawten says:

    تانميرت فلاك ا محمود
    ماتا امالاس ايدها تالغا نس امالاس ن تمازيغت. تانميرت فلاون اوك

  8. ايوز امحمود توريد تغاوسة تزعم سمدا ابريد انك ما تبدد.. تانميرت

أكتب تعليقك هنا

نرجو أن تضع المادة أسفله
الإسم
إيميل
موقع
تعليقك

    ⵉⵎⵓⴷⴰⵔ – ⴰⵙⵍⵎⴷ ⵙ ⵜⵡⵍⵍⴰⴼⵉⵏ


ⵉⴷⵔ ⴰⴼ ⵜⴰⵡⵍⵍⴰⴼⵜ ⴼⴰⴷ ⴰⴷ ⵙⵓⴳⴳⵣⴻⴷ ⴰⴷⵍⵉ ⴰⴷ ⵏⵖ  ⵉⴷⵔ ⴷⴰ

  • ما رأيك في موقع تاوالت الجديد ؟






    بين النتيجة

    Loading ... Loading ...
  • tamatart

    tamatart



    taddart

    ٍradio awal