img12.jpg

Taktut Temmsuggezt

Taẓuri n ales amezwaru (tamnaḍt n At-Ifran adeg Ṭlalet )

Ales amezwaru ,seg ass d akud elli yudel dis umeγrad,yudel g asuggur d ikaz d ilmad seg tawennaḍt elli yella dis, asuggur(g unamek ,ammaṣ-nnes, il-jaj) it-ṣara zzat-es seg tidyanin,g unamek iṭen g wawal d aḥerfi ,tugna seg lemmi taγ talγa-nnes g tiṭ,ales it-suγel-t γres tunuγt ,elli nettat mmal-nas taktut. Anelli n wales aγennu n taktut ,yetčur s ussan-nnes* s ass elli yeffeγ in tilit in tilawt.asesten ,matta ay-ṣar lemmi ales a-yeğ umadal(g unamek n tilit) deffr-es ? mani yal tγawsa elli tisi g taktut at-telγes? S wakud din yukez ales fellas ad-yeğ lğerret-nnes ,d ass-a mmal-nas Tullizt, g talγa-nnes tunuγt(tugna).

Tiwsatin n Taẓuri :-
Taẓuri n usuggez f weṭγaγ temẓun i sent tiggayin :
Asuggezṭaγ : tawalt tuddsa seg sent n tawalin (Asuggez anamek-nnes ennaḥet, d aṭaγ). Taẓuri ted , asuggez tugna γen tira f aṭγaγ d weẓru.
Unuγṭaγ : tawalt tuddsa seg sent tawalin (unuγ anamek-nnes errasem, d aṭaγ). Taẓuri ted , unuγ γen uγmu tugna f aṭγaγ d weẓru.

Adeg n Tazrawt :
Llan ag n 2 idag mani llan dis tawsit ted-hat seg taẓuri taqburt. Tamnaḍt n At-Ifran adeg amezwaru netta g amkan isem-nnes Ṭlalet. Yella idi-sen adeg n Frendes** g azmul [Tehri 32,001772 Teγzi 12,656691].

Adday Kra seg unuγen emmafen d ellan din g tamanḍt :
Unuγen emmẓunen in sent tiggayin d tiwsatin :-
1-Imudder
Am g tiwlafin (3),(4),(5), mani anaf seg imudder elli ellan s tawsit ,mi yellan imir-a g tamanḍt (d amengari), wed ituc belli tisi tamnaḍt temmiden s imγan d iddag guda d yed maγer eddren dis imudder seg tawsit ayed.
2-Talγiwin (tisramin)
Ya-nutlay dis g umegrad wis-sen seg umegrad ayed (Tafult 2)

Taw.(1) seg Google-earth ,mani adeg n unuγen

Taw.(1) seg Google-earth ,mani adeg n unuγen

Taw.(2) n amudder am Funas aberri

Taw.(2) n amudder am Funas aberri

Taw.(3) i tugna n Funas aberri.

Taw.(3) i tugna n Funas aberri.

Taw.(4) n Tzerzert Taw.

Taw.(4) n Tzerzert Taw.

(5) n Amnic aberri

(5) n Amnic aberri

Tamawt :
Il-nnej ismawen n tiwlafin ,nettat tazmirt ukan i yikaz n tugna ,it-ṣara mi d ismawen-nnsen.

Welyuc….

Isegzel :
Taw.= Tawlaft
MD=Amedya

Iγbula:

1-http://en.wikipedia.org/wiki/Rock_art
2-Dictionnaire Trilingue Francais Tamazight Arabe, Hamid Boutioua,2006 Tazrigmant.
3-Amawal Amaziγ Amsγan, Alerḍy Mebruk, 2008.
4-Lexique De La Linguistique Francais-Alnglais-Tamazight,Aziz Berkai,2007 L’Harmattan.
5- Tiwlafin-inu ,seg assuggwass n 2007.

* (Ass) g asenti anamek-nnes netta Tfuyt(tafukt), lemmi aneéer talγa n asekkil () s tira-nneγ tawlaft-nnes (s) mani tuc talγa Tfuyt γen tiî n ujenna. Anaf g wawal mazeγ awal (Yuli wass), taεbir yella g tamnavt n Qbayel mani anamek-nnes tuli tfuyt g anamek iṭen ass d atrar.
** Frendes, d adeg yella idis n tamnavt n Ïlalet (Qelεet)

هذه المقالة تحتوي على لا تعليق

أكتب تعليقك هنا

نرجو أن تضع المادة أسفله
الإسم
إيميل
موقع
تعليقك

    ⵉⵎⵓⴷⴰⵔ – ⴰⵙⵍⵎⴷ ⵙ ⵜⵡⵍⵍⴰⴼⵉⵏ


ⵉⴷⵔ ⴰⴼ ⵜⴰⵡⵍⵍⴰⴼⵜ ⴼⴰⴷ ⴰⴷ ⵙⵓⴳⴳⵣⴻⴷ ⴰⴷⵍⵉ ⴰⴷ ⵏⵖ  ⵉⴷⵔ ⴷⴰ

  • ما رأيك في موقع تاوالت الجديد ؟






    بين النتيجة

    Loading ... Loading ...
  • tamatart

    tamatart



    taddart

    ٍradio awal